Fornying

Nettsida til Filadelfia, pfa.no, framstår i desse dagar med ny utsjånad. "Forandring fryder", heiter det. Me håpar du er enig i dette også når det gjeld nettsida, og at du vil bli nøgd med det nye designet.

Det handlar om fornying, som igjen handlar om å følgja med i tida. Leverandørane av nettsider, i vårt tilfelle Cornerstone, arbeider kontinuerleg med å utvikla produkta sine -  gjera dei meir tenlege for oss som har noko å informera om, og for deg som søkjer informasjon. Digital kommunikasjon utviklar seg stadig, akkurat som språk, musikk og andre kulturelle uttrykksformer.

Og design kan vera viktig for kommunikasjon. I 2017 møtte eg ei dame i Japan som mange år tidlegare hadde fått ein kristen brosjyre i postkassen sin. Ho brydde seg ikkje om innhaldet, men var svært oppteken av design. Og sidan denne trykksaka hadde ein spenstig og innbydande layout, tok ho vare på brosjyren. Det skulle koma godt med då ho, ikkje så veldig lang tid etter, uventa begynte å interessera seg for Jesus. I brosjyren fann ho nemleg namnet og adressa til ei kristen forsamling i byen der ho kunne få svar på dei mange spørsmåla sine. Nå har denne dama vore kristen i mange år. Ho er i dag evangelist i det området som blei hardast ramma under sunamien for ti år sidan.

Jovisst. Design og uttrykksformer betyr noko. Ein av føresetnadane for det åndelege gjennombrotet på pinsedagen i Jerusalem, den me les om i Apostelgjerningane 2, var nettopp at alle fekk høyra evangeliet på sitt språk. Eg trur ikkje det her berre er tale om det verbale språket, men heile spekteret av uttrykksformer. Musikk, for eksempel. Ulike kulturar og ulike aldersgrupper kan ha svært ulikt musikkspråk. Evangeliet er ikkje avgrensa til eitt eller nokre få av desse musikkspråka. 

Design og uttrykksformer betyr sjølvsagt ikkje alt, og det betyr ingenting dersom innhaldet manglar. Og her er me ved eit kjernepunkt. Ekte åndeleg fornying har med det personlege forholdet til Jesus å gjera. Denne fornyinga kan koma til syne og uttrykkast på ulikt vis. Det som er ekte, vil gjerne stå seg, det tilgjorde vil ofte bli avslørt. Poenget er likevel at det ikkje treng vera nokon motsetnad mellom ekte bibelsk kristendom og moderne måtar å kommunisera denne trua på. Mange enkeltpersonar og forsamlingar er gode eksempel på dette.

Me er barn av vår tid, og det er i denne tida, vår stund på jorda, me er kalla til å fortelja om Jesus - med orda me brukar og livet me lever. Også på digitale plattformer.

Fleire tankar om livet
Fleire tankar om livet
– Det er vår i Guds rike også, skal Hans Nielsen Hauge ha svart da moren forsiktig minnet ham om våronna som ventet. Det var etter Hauges store gudsopplevelse ute på åkeren. 25-åringen var så fylt av Guds ånd at oppmerksomheten ble flyttet fra pløying og harving til bibel og bønn.
Noen av oss opplever Guds nærvær sterkere ute i naturen, for eksempel i et vakkert vinterlandskap, enn i kirken. Ja, til og med den uttalt ikke-religiøse kan bli fylt av ærefrykt for skapningen og ane skaperen bakom ved slike anledninger.
I 2020 har vi lært noe om uforutsigbarhet. Vi er blitt minnet om hvor raskt verden rundt oss kan forandre seg. Det er erfaringer vi tar med oss inn i 2021, i det nyttåret starter med ny nedstenging for å møte en voksende smittebølge.
Mye er annerledes dette året, og mange av dere har allerede poengtert det i julehilsener og på andre måter. Jeg vil derfor i stedet rette oppmersomheten mot det som ligger fast, også for julen 2020.
Powered by Cornerstone