Menigheten si målsetjing

Me ønskjer ei menighet der medlemmene er opptekne av å tilbe i tru og oppmuntra kvarandre til å gjera det Jesus ber den enkelte om. Me vil byggja ein fellesskap der folk i alle aldersgrupper og med ulik bakgrunn og utrusting kan få og gi omsorg og undervisning og hjelp til personleg modning og utvikling.

Me legg særleg vekt på å gi evangeliget vidare til neste generasjon.

I tråd med evangeliet sin grensesprengande natur ønskjer me å støtta evangelisering og misjon i vår eigen region, i Norge og resten av verda. Dette inkluderer både menighetsbygging og humanitært, diakonalt arbeid. Me oppmuntrar Jesus sine etterfølgjarar til å delta i slikt arbeid og vil vera med å senda ut medarbeidarar i tråd med Bibelen si misjonsbefaling.  (Matt. 28, 18-20  og Ef. 4, 15-16).